گەلەری ئێستا

هاوبەشی پێبکە

گەلەری ئێستا

گەلەری ئێستاپڕۆژەیەکە لە پڕۆژەکانی کارگەی کولتوورکارگەی جگەرەی کۆنی سلێمانی، کە خۆی لە بەرنامەیەکی بەرفراوانی هەمەڕەنگ و فرەجۆری کولتووریی، هونەریی، پەروەردەیی و ژینگەیی دەبینێتەوە.

گەلەری ئێستا لە ساڵی ٢٠١٨-ەوە دامەزراوە، بۆئەوەی ببێت بە شوێنێک بۆ نمایشی هونەریی (شێوەکاریی و ڤیژوەڵ). ئامانجی گەلەرییەکە دروستکردنی ژینگەیەکە بۆ چالاکی و چالاککردن و بووژانەوەی بواری هونەری شێوەکاریی لە هەرێمی کوردستان بەگشتی و شاری سلێمانی وەک پایتەختی ڕۆشنبیری، بەتایبەتی.

ئەم گەلەرییە لەسەر بنەما و کۆنسێپتێك دامەزراوە کە بتوانێت بە شێوازێکی پڕۆفیشناڵ و بە ستانداردی جیهانی کار لەسەر هونەری شێوەکاریی و ڤیژوەڵی هونەرمەندانی هاوچەرخی کورد بکات، لەپێناوی هێنانە پێشەوەی توانای گەنجان و ڕێزگرتن لە هونەرمەندانی پسپۆڕ و بەئەزموون، و پیشاندانی بەرهەم و کارە هونەرییەکانیان بە شێوازێکی شایستە لە فۆڕمی پێشانگای تایبەت و هاوبەشدا.

گەلەری ئێستالەڕێی چالاکییە هونەرییەکانیەوە کە خۆی لە چوارچێوەی پێشانگا و نمایشی هونەرییدا دەبینێتەوە، دەیەوێت گفتوگۆ و گوتارێکی زانستیی هونەریی و ڕەخنەیی بێنێتەکایەوە، بۆ ئەوەی لەم ڕوانگەیەوە بەرهەم و کاری شێوەکاران لە ئێستادا ببینرێت. هاوکاتگەلەری ئێستالە ڕێی نمایشە هونەرییەکانیەوە دەیەوێت بەشێك لە مێژووی هونەری شێوەکارانی کورد بخاتە بەرچاوى بینەری کورد و بە جیهانیشیان و بناسێنێت. گەلەری ئێستا دەیەوێت لەڕێگای چالاکییەکانیەوە فەزایەک بڕەخسێنێت، بۆئەوەی توێژینەوەی هونەریی، لێکۆڵینەوەی ڕەخنەیی و زانستیی و مێژوویی بەرهەمبێت

گەلەری ئێستالە بەرنامە و پلانیدایە، زەمینەیەک بۆ گفتوگۆ و دروستکردنی پەیوەندیی لەگەڵ هونەرمەندان و  گەلەری و دامەزراوە هونەرییەکانی شارەکانی دیکەی عێراق و وڵاتانی دراوسێ و جیهاندا دروستبکات. بۆ ئەوەی بینەر و هونەردۆستانی ئێمەش لە کوردستاندا بتوانن بە کار و بەرهەمی هونەرمەندانی دیکەی وڵاتان ئاشنابن، هاوکات لەڕێی ئەم گەلەرییەشەوە هونەرمەندانی کورد دەرگایەکیان بۆ واڵابێت و بتوانن کارەکانیان لە وڵاتانی دیکەی جیهان ببینرێن، بۆ ئەم مەبەستەش لە داهاتوویەکی نزیکدا ئەو پەیوەندی و کارنامە و ئاڵوگۆڕییە هونەرییانەی لەگەڵ چەند گەلەریەک و دامەزراوەیەک ڕێکخراوە، دەچنە بواری پیادەکردنەوە.                                                                             

ئێمە وەک هیوا فاوندەیشن پێمان وایە گرنگە کۆمەڵگاى کوردییش، هاوشێوەى کۆمەڵگاکانی تری جیهان، ئەزموونی هونەری هاوچەرخ بکات. لە پێناو ئەم ئامانجەشدا هیوا فاوندەیشن، لە سەرەتاى دامەزرانى گەلەرییەکەوە سپۆنسەر و پاڵپشتى سەرەکیی پڕۆژەکانی گەلەری ئێستا بووە

ئامانج و پاڵنەرە سەرەکییەکانمان لە پشتیوانیی ئسەم پڕۆژەیە بریتیبوون لە:

هەموو پێشانگایەکى گەلەریی ئێستا چەمک و تەوەرێکی تایبەتى هەیە کە زیاتر تەرکیز لەسەر ناوەڕۆک دەکات نەک تەنها جوانیناسیی و فۆڕمى هونەریی.

  • گەلەری ئێستاسەکۆیەک دابیندەکات کە تێیدا هونەرمەندان و کۆمەڵگا بتوانن پرسە هاوچەرخەکان تاوتوێبکەن.
  • هەر پێشانگایەک گەشتێکی تایبەت بە خوێندکارانی هەموو تەمەنەکان دابیندەکات کە تیایدا خوێندکاران هاندەدرێن بۆ بەشداریکردن لەگەڵ ئەو کارە هونەرییانەی کە نماییشدەکرێن. ئێمە پێمان وایە هونەر ئامڕازێکە بۆ پەیوەندیبەستنى منداڵان و گەنجان بە پرسە کۆمەڵایەتییەکانەوە
  • گەلەریی ئیستا هاندەر و ئیلهامبەخشە بۆ هونەرمەندانی گەنج بۆ پەرەپێدانی کارەکانیان.

پێشانگەی کەتەلیست - هەڵگورد

پێشانگەی هەڵوەرین - سوفیان جەلال

پێشانگەی مرۆڤ و بیناکاری - هەڵۆ لانۆ

پێشانگەی دۆکیۆمێنتی تاریکی - عوسمان قادر

پێشانگەی هاونەشی بێچوارچێوە

پێشانگەی هاوبەشی بابەت و گوزارشتی هونەرمەندان لە ئێستادا

پێشانگەی هاوبەشی پڕۆژەی هونەری فیگوراتیڤ